четверг, 15 декабря 2016 г.

საშემოდგომო ღონისძიება. პრე–კლასი

                                                 







სტუმრად "ტექნოპარკში"

2016 წლის 5 დეკემბერს ა(ა)იპ წმინდა მეფე ვახტანგ გორგასლის სახელობის სკოლა–ინტერნატის მოსწავლეებისათვის მოეწყო გასვლითი ღონისძიება. მე–6 კლასის 7 მოსწავლე იმყოფებოდა სასწავლო ტრენინგზე " ტექნოპარკში". ტრენინგის დაწყებამდე ჩატარდა ინფოტური.ამ ტურის ფარგლებში ბავშვებმა დაათვალიერეს ტექნო პარკის შენობა, სადაც ხდება ინოვაციური იდეების აღმოჩენა, აღიარება, ხელშეწყობა და დანერგვა.ტრენერის მითითების საფუძველზე, ბავშვებმა შეძლეს განათების მოწყობა, როგორც მექანიკური ღილაკის, ასევე ხმის დეტექტორის საშუალებით. ბავშვები ბედნიერები, სიხარულით სავსენი იყვნენ. ვერ მალავდნენ გაოცებას. ასე დასრულდა კიდევ ერთი ლამაზი დღე ჩვენი სკოლის მოსწავლეებისათვის.
                                                                      







: 6 კლასის ღონისძიება მასწავლებლის დღისადმი მიძღვნილი.

2016 წლის 25 ოქტომბერს ა(ა)იპ წმინდა მეფე ვახტანგ გორგასლის სახელობის სკოლა–ინტერნატის მე–6 კლასის მოსწავლეებმა ( კლ.დამრიგებელი მზია ბაშარული) ჩაატარეს მასწავლებლის დღისადმი მიძღვნილი ღონისძიება სახელწოდებით " ქვეყნად არც ერთი ბრძენი არ იყო მასწავლებელი არა ჰყოლოდა".
ბავშვებმა პედაგოგებს მიულოცეს მასწავლებლის დღე – ლექსებით, სიმღერებით, ცეკვით. ასევე გამართეს დისპუტი თემაზე: " ჩემი საყვარელი მასწავლებელი", "მე რომ მასწავლებელი ვიყო".
აგრეთვე გამოავლინეს სხვადასხვა ნომინაციაში გამარჯვებული მასწავლებლები, რამაც განსაკუთრებული სიხალისე შემატა ღონისძიებას.
დასასრულს მოსწავლეებმა სიმბოლური საჩუქრები და მათ მიერ შესრულებული მასწავლებლების კარიკატურები უსახსოვრეს სკოლის ყველა პედაგოგს.

                                                                



















пятница, 21 октября 2016 г.

''აი ია''

2016 წლის 13 ოქტომბერს ა(ა)იპ წმინდა მეფე ვახტანგ გორგასლის სახელობის სკოლა-ინტერნატის პირველ კლასში პედაგოგმა ნონა პოპიაშვილმა ჩაატარა ღია გაკვეთილი ქართულ ენასა და ლიტერატურაში, რომელიც მიეძღვნა იაკობ გოგებაშვილის დაბადებიან 176 წელს. მოსწავლეებმა მოკლე მიმოხილვა გააკეთეს საქართველოზე, რის შემდეგაც მხატვრულად წაიკითხეს ლექსები. ისაუბრეს წელიწადის დროებზე. ნაჩვენები იყო სლაიდ შოუ "დედა ენაზე" და იების კოლაჟი. მოსწავლეებმა "ჯადოსნურ სკივრში" აღმოაჩინეს ასო-ბგერები " ი" და " ა", შემდეგ ააწყეს წინადადება " აი ია". ნონა მასწავლებელი ბავშვებს დაჰპირდა, რომ ღირსეულ მეგობრობას გაუწევს ანბანის ჯადოსნურ სამყაროში მოგზაურობისას.
გაკვეთილს ესწრებოდნენ აღმასრულებელი დირექტორი თეა სხირტლაძე და სკოლის პედაგოგები. გაკვეთილმა დამსწრე საზოგადოების დიდი მოწონება დაიმსახურა.